Is post mein ap ko ek aisi qur’ani dua hasil hogi jis ki barkat se miyan biwi ki larai khatam ho jaye gi, un k darmiyaan sulah ho jaye gi aur un k darmiyan mazbot muhabbat hamesha k liye qaim ho jaye gi .Yaad rahe k kaamyaab aur khushhaal zindagi k liye sab se zaroori baat yeh hai ke miyan biwi ko is baat ka ilm ho k un k darmiyaan larai aur nafrat kon si wajuhat ki bina par qaim ho sakti hai . Is k baad miyan biwi ko aisi duaon k bare mein bhi ilm hona chahiye jin k zariye miyan biwi ki larai aur nafrat khatam ho sake . Agar kisi miyan biwi ko bayan ki gayi baaton ka ilm hai to un ki zindagi mein mohabbat aur khushhali hamesha qaim rahe gi, lekin agar yeh ilm nahi hai to shaitaan un ki zindagi mein dakhil hokar un k sukoon, rozi aur khair o barkat ko khatam karne ka hamesha sabab banta rahe ga .
Miya Biwi ka Jhagda ki Wajuhat
Miyan biwi ke darmiyan larai hone ki be shumar wajuhat ho sakti hain . In wajuhat mein shak, ghalt fehmi, shohar ka biwi ko kharcha na dena, shohar ka biwi ko ahmiyat na dena, shohar ka kaam na karna, nazarbad, kala jadu, aur shaitaani waswase ho sakte hain .
Shak Aur Ghalt Fehmi:
Yaad rahe k miyan biwi k darmiyan shak aur ghalt fehmi ka peda hona aik aam wajah hai . Lekin shak aur ghalt fehmi peda hone ki haqeeqi wajah aam log nahi jaante . Agar hum hadees parhein to hamein maloom ho ga k shaitaan ko jo cheez sab se zyada napasand hai woh miyan biwi ki mohabbat hai . Is liye woh miyan biwi ki mohabbat ko khatam karne k liye har tareeqa ikhtiyaar karta hai . Yaad rahe k miyan biwi mein talaaq karwane k liye shaitaan ghalt fehmi aur shak ka sahara sab se pehle leta hai. Is liye shak aur ghalt fehmi ki bina par miyan biwi ke darmiyaan larai hoti hai aur is larai ka anjam talaaq hota hai, aur yahi shaitaan chahta hai . Yaad rahe k shaitaan apne maqsad ko poora karne k liye din raat mehnat karta hai aur baaz auqaat woh apne maqsad mein kaamyaab bhi ho jata hai .
Husband ka Wife ko Kharcha Na Dena:
Zyadatar gharoon mein jab shohar apni biwi ko kharcha nahi deta to us ki wajah se bhi miyan biwi k darmiyaan larai ho jati hai . Yaad rahe k jo fard job ya karobar nahi karta to woh apni family ki zarooriyaat ko poora nahi kar sakta, is liye family ki zarooriyaat jab poori nahi hoti to is wajah se miyan biwi k darmiyaan shadeed jhagra hota hai .
Hasad aur Nazre Bad ke Asarat :
Yaad rahe k baaz miyan biwi ki mohabbat kisi ko pasand nahi aati, is liye un k hasad ki wajah se miyan biwi ki mohabbat ko nazar bad lag jati hai jis ki wajah se miyan biwi k darmiyaan larai jhagra shuru ho jata hai . Hasad aur nazar bad k bhayanak asraat ho sakte hain aur is ki wajah se miyan biwi mein musalsal jhagra hota hai .
Kala Jadu k Asraat:
Baaz dushman kisi par kala jadu kar k un k darmiyaan nafrat ki aag jala dete hain jis ki wajah se miyan biwi k darmiyaan aisa jhagra shuru ho jata hai jis ka anjam talaaq hota hai . Kala jadu ek qadeem shaitani remedy hai jis ko qadeem zamanay se miyan biwi ke darmiyan nafrat aur jhagra paida karne k liye istemal kiya jata raha hai .
Yaad rahe k miyan biwi k darmiyan jhagra hone ki jo wajuhat hum ne ap ko batai hain un sab k peechay kisi na kisi andaz mein shaitaan hi ka hath hota hai .
Agar ap shaitaan ki mojoodgi ka pakka saboot chahte hain to miyan biwi k jhagre k doran chand seconds k liye apne zehan mein hone wale khayalat par ghaur kijiye Ga . ap ko mehsoos ho ga k koi aur hai jo ap k zehan mein shohar ya biwi k bare mein manfi khayalat peda kar raha hai . Yaad rahe k miyan biwi k jhagre k doran har shakhs apne zehan mein peda hone wale khayalat ki bina par apne ghussa ka izhar karta hai aur in hi manfi khayalat k zariye shaitaan miyan biwi ko control kar raha hota hai .
Is liye zaroori hai k shaitaan ki aadat ko samjha jaye aur yeh pursukoon zindagi k liye zaroori hai .Yaad rahe k shaitaan ko khatam nahi kiya ja sakta, usay sirf apni zindagi se duaon k zariye door kiya ja sakta hai aur aisi hi duayen ap ko is post mein hasil hongi .
Shohar Biwi ki Sulah ki Dua
Yaad rahe k miyan biwi mein larai jhagra aur nafrat ki wajah shaitaan hai aur yeh baat hum ap ko bata chuke hain, is liye agar miyan biwi mein jhagra ki wajah se talaq tak nobat pahunch chuki hai to aisi surat mein 4 qul ki barkat se miyan biwi ki nafrat aur jhagre ko khatam kiya ja sakta hai . Char qul ki barkat se 4 din se pehle miyan biwi k darmiyaan sulah ho jati hai . 4 qul Quran ki 4 surah mubarak hain jo k Para no 30 mein hain . In suraton mein Surah Ikhlas, Surah Kafiroon, Surah Falaq aur Surah Naas hain .Yaad rahe k miyan biwi ki zindagi se shaitaan, nazarbad aur kala jadu k asarat khatam karne k liye 4 qul ki be had fazilat hai . Is liye miyan biwi k darmiyaan sulah, muhabbat aur rohani hifazat qaim karne k liye ap Fajr ki namaz k baad 100 martaba Surah Ikhlas parhein, Zohar ki namaz k baad 100 martaba Surah Kafiroon parhein, Asr ki namaz k baad ap 100 martaba Surah Falaq parhein, Maghrib ki namaz k baad ap 100 martaba Surah Naas parhein aur Isha ki namaz k baad ap 100 martaba Ayat al-Kursi parhein .Bayan kiya gaya amal ap isi tareeqe se 7 din tak karein . Insha’Allah 4 din mein ap ko is wazifa ki wazeh barkat dikhayi dengi .
Gharelu Jhagde Se Nijat Ki Dua
Ghar mein mamooli baton mein jhagra hona aik aam baat hai . Lekin agar kisi ghar mein har roz jhagra hota rehta hai to yeh aam baat nahi . Ghar mein jhagra hone ki wajah hum ne pehle aap ko bata di hai. Is liye shaitan ki aadat ko samajhne ki koshish karein aur jin duaon se shaitaan darta hai aisi duaon ka wird bhi karein, taa k shaitaan ghar se door ho jaye . Yaad rahe ke shaitaan jaise hi ap k ghar se door hoga, ghar mein sukoon ka mahul dobara se qaim ho jaye ga . Shaitaan ko insani aqal tasleem nahi karti lekin jahan jhagra hota hai wahan shaitan zaroor hota hai aur shaitaan ko door karne ki behtareen dua “La Hawla wala quwwata illa billahil Aliyyil Azeem” hai . Is liye jab ghar mein kisi baat ko lekar jhagra shuru ho jaye to us waqt ap lataadad” La Hawla wala quwwata illa billahil Aliyyil Azeem” parhein . ap dekhein gy k kuch hi der mein ghar se jhagra khatam ho jaye ga .
Family mein Mohabbat Ki Dua
Family mein miyan biwi, aulad, behan bhai aur walidain shamil hote hain aur baaz khawateen ki yeh khwahish hoti hai k unki family k darmiyaan pyar, muhabbat aur achay taluqat hamesha qaim rahein . Yaad rahe k family k darmiyan mohabbat aur achay taluqat isi soorat mein hamesha qaim rehte hain jab un k darmiyaan khair o barkat ho . Is k baraks jin families k darmiyaan khair o barkat nahi hoti, un k darmiyaan aksar dushmani bhi paida ho jati hai . Khair o barkat families ki shaitaan se hifazat ka zariya hai . Is liye namaz ki pabandi, khairaat dene ki adat aur ghar mein Quran ki tilawat karne ki wajah se ghar mein khair o barkat aati hai . Is k alawa ghar mein sharab lanay se, biwi par tashadud karne se, shohar se bad zubani karne ki wajah se, walidain ki be adbi karne ki wajah se aur namaz qaza karne ki wajah se ghar se khair o barkat khatam ho jati hai aur jis ghar se khair o barkat khatam ho jaye, us ghar par kala jadu bohat aasani se asar karta hai aur kala jadu ki wajah se family k afraad mamooli wajuhat ki bina par ek doosray k dushman ho jate hain . Is liye family k darmiyaan achay taluqaat hamesha qaim rakhne k liye zaroori hai k family ki rohani hifazat ki jaye . Jab k family ki rohani hifazat k liye behtareen duaen Surah Falak aur Surah Naas hain . Is liye family ki rohani hifazat aur achay taluqaat k liye ap Fajr ki namaz k baad rozana teen martaba Surah Falak aur teen martaba Surah Naas wird karne ki adat banaayein .
کامیابی کی روحانی کنجی
آپ کو کامیابی کیسے حاصل ہوگی ؟ یہ بات روحانیت جانتی ہے ، اور روحانیت سے پریشانی کا حل جاننے کے لئے آپ کے 5 منٹ آپ کی زندگی بدل سکتے ہیں ، لہذا نیچے موجود بٹن پر کلک کرکے اپنی کامیابی کا راز جانئے ۔
