Is post mein aap ko ek aisi Qur’ani dua hasil hogi jis ki barkat se miyan biwi ki larai khatam ho jayegi, unke darmiyan sulah ho jayegi aur unke darmiyan mazboot mohabbat hamesha ke liye qaim ho jayegi. Yaad rahe ke kaamyaab aur khushhaal zindagi ke liye sab se zaroori baat yeh hai ke miyan biwi ko is baat ka ilm ho ke unke darmiyan larai aur nafrat kIn wajohat ki bina par qaim ho sakti hai. Is ke baad mein biwi ko aisi duaon ke bare mein bhi ilm hona chahiye jin ke zariye miyan biwi ki larai aur nafrat khatam ho sake. Agar kisi miyan biwi ko bayaan ki gayi baaton ka ilm hai to unki zindagi mein mohabbat aur khushhaali hamesha qaim rahegi, basor e deoghar shaytan unki zindagi mein dakhil hokar in k sukoon, rizq aur khairo barkat ko khatam karne ka hamesha sabab banta rahega.
Husband And Wife ka jhagda ki Waja
Miyan biwi ke darmiyan larai hone ki be shumar wajohat ho sakti hain. In wajohat mein shak, ghalt fehmi, shohar ka biwi ko kharcha na dena, shohar ka biwi ko ahmiyat na dena, shohar ka kaam na karna, nazar bad, kala jadu aur shetani waswase ho sakte hain.
Shak aur Ghalt Fehmi:
Yaad rahe ke miyan biwi ke darmiyan shak, ghalt fehmi ka paida hona aik aam wajah hai. Lekin shak aur ghalt fehmi paida hone ki haqiqi wajah aam log nahi jaante. Lekin agar hum hadees parhein toh humein maloom hoga ke shetan ko jo cheez sab se zyada napasand hai woh miyan biwi ki mohabbat hai. Lehaza woh miyan biwi ki mohabbat ko khatam karne ke liye har tareeqa ikhtiyar karta hai. Lehaza miyan biwi mein talaaq karwane ke liye shaitan ghalt fehmi aur shak ka sahara sab se pehle leta hai. Lehaza shak aur ghalt fehmi ki bina par miyan biwi ke darmiyan larai hoti hai aur is larai ka anjaam talaaq hota hai ,aur yehi shaitan chahta hai. Yaad rahe ke shaitan apne maqsad ko poora karne ke liye din raat mehnat karta hai aur baaz oqat woh apne maqsad mein kaamyaab bhi ho jata hai.
Shohar Ka biwi Ko Kharcha na Dena:
Zyadatar gharoon mein jab shohar apni biwi ko kharcha nahi deta toh is ki wajah se bhi miyan biwi ke darmiyan larai ho jati hai.
Hasad Aur Nazre Bad:
Yaad rahe ke baaz miyan biwi ki mohabbat kisi ko pasand nahi aati, lehaza unke hasad ki wajah se miyan biwi ki mohabbat ko nazar bad lag jati hai jis ki wajah se miyan biwi ke darmiyan larai jhagra shuru ho jata hai.
Kala Jadu :
Issi tarah baaz dushman kisi par kala jadu karke unke darmiyan nafrat ki aag jala dete hain jis ki wajah se miyan biwi ke darmiyan aisa jhagra shuru ho jata hai jis ka anjaam talaaq hota hai.
Shaitan ki Adat:
Yaad rahe ke miyan biwi ke darmiyan jhagra hone ki jo wajohat hum ne aap ko batayi hain un sab ke peeche kisi na kisi andaz mein shaitan hi kaam karfarma hota hai. Agar aap shaitan ki maujoodgi ka pakhta saboot chahte hain toh miyan biwi ke jhagde ke doran chand seconds ke liye apne zehan mein akhz honay wale khayalat par ghor karna. Aap ko mehsoos hoga ke koi aur hai jo aap ke zehan mein shohar ya biwi ke bare mein manfi khayalat paida kar raha hai. Yaad rahe ke miyan biwi ke jhagde ke doran har shakhs apne zehan mein paida honay wale khayalat ki bina par apne ghusse ka izhaar karta hai aur un hi manfi khayalat ke zariye shaitan miyan biwi ko control kar raha hota hai. Lehaza zaroori hai ke shaitan ki adat ko samjha jaye aur yeh persukoon zindagi ke liye zaroori hai. Yaad rahe ke shaitan ko khatam nahi kiya ja sakta, usay sirf apni zindagi se dua ke zariye door kiya ja sakta hai aur aisi hi duayen aap ko is post mein hasil hongi.
Husband Wife Ki Sulah Ki Dua
Yaad rahe ke miyan biwi mein larai jhagra aur nafrat ki wajah shaitan hai aur ye baat hum aap ko bata chuke hain, is liye agar miyan biwi mein jhagra ki wajah se talaq tak nobat pohanch chuki hai to aisi surat mein 4 qul ki barkat se miyan biwi ki nafrat aur jhagray ko khatam kiya ja sakta hai. Chaar qul ki barkat se 4 din se pehle miyan biwi ke darmiyan sulah ho jati hai. 4 qul Quran ki 4 surah mubarakah hain jo ke 30 parah mein hain. In suraton mein Surah Ikhlas, Surah Kafiroon, Surah Falaq aur Surah Nas hain, yeh char surah mubarakah arabi mein oopar darj hain.
Yaad rahe ke miyan biwi ki zindagi se shaitan, nazarbad aur kala jadu ke asarat khatam karne ke liye 4 qul ki be had fazilat hai. Is liye miyan biwi ke darmiyan sulah, mohabbat aur rohani hifazat qaim karne ke liye aap Fajr ki namaz ke baad 100 martaba Surah Ikhlas parhein, Zuhr ki namaz ke baad 100 martaba Surah Kafiroon parhein, Asr ki namaz ke baad aap 100 martaba Surah Falaq parhein, Maghrib ki namaz ke baad aap 100 martaba Surah Nas parhein aur Isha ki namaz ke baad aap 100 martaba Ayatul Kursi parhein.
Bayan kiya gaya amal aap isi tareeqe se 7 din tak karein. Insha’Allah 4 din mein aap ko is wazife ki wazeh barkat dikhayi dengi. Ayatul Kursi oopar mojood photo mein darj hai.
Dua to Stop Fighting in House
Ghar mein mamooli batoon mein jhagra hona aik aam baat hai. Lekin agar kisi ghar mein rozana jhagra hota rehta hai to yeh aam baat nahi. Ghar mein jhagra hone ki wajah hum ne pehle aap ko bata di hai. Is liye shaitan ki aadat ko samajhne ki koshish karein aur jin duaaon se shaitan darta hai aisi duaaon ka wird bhi karein. Taake shaitan ghar se door hojaaye. Yaad rahe ke shaitan jaise hi aap ke ghar se door hoga, ghar mein sukoon ka mahol dobara se qaim hojaaye ga. Shaitan ko insani aqal tasleem nahi karti, lekin jahan jhagra hota hai wahan shaitan zaroor hota hai aur shaitan ko door karne ki behtareen duaa “لا حول ولا قوة الا بالله العلی العظیم” hai. Is liye jab ghar mein kisi baat ko le kar jhagra shuru hojaaye to us waqt aap la ta’addud “لا حول ولا قوة الا بالله العلی العظیم” parhein. Aap dekhein ge ke kuch hi der mein ghar se jhagra khatam hojaaye ga.
Dua for Good Family Relations
Family mein miyan biwi aulad, behan bhai aur walidain shamil hote hain aur baaz khawateen ki yeh khwahish hoti hai ke unki family ke darmiyan pyar, mohabbat aur achay taluqat hamesha qaim rahein. Yaad rahe ke family ke darmiyan mohabbat aur achay taluqat usi soorat mein hamesha qaim rehte hain jab unke darmiyan khairo barkat ho. Is ke baraks, jin families ke darmiyan khairo barkat nahi hoti, unke darmiyan aksar dushmani bhi paida ho jaati hai. Khairo barkat families ki shaitan se hifazat ka zariya hai. Is liye namaaz ki pabandi, khairaat dene ki aadat aur ghar mein Quran ki tilawat karne ki wajah se ghar mein khairo barkat aati hai. Is ke ilawa ghar mein sharab laane se, biwi par tashaddud karne se, shohar se bad-zabani karne ki wajah se, walidain ki be adbi karne ki wajah se aur namaaz qaza karne ki wajah se ghar se khairo barkat khatam ho jaati hai, aur jis ghar se khairo barkat khatam ho jaaye, us ghar par kala jadu be had aasani se asar karta hai aur kala jadu ki wajah se family ke afraad mamooli wajohaat ki bina par ek doosre ke dushman ho jaate hain. Is liye family ke darmiyan achay taluqat hamesha qaim rakhne ke liye zaroori hai ke family ki rohani hifazat ki jaaye. Jabke family ki rohani hifazat ke liye behtareen duaaen Surah Falaq aur Surah Nas hain. Is liye family ki rohani hifazat aur achay taluqat ke liye aap Fajr ki namaz ke baad rozana 3 martaba Surah Falaq aur teen martaba Surah Nas wird karne ki aadat banaayein.
agr aap apni pareshani ka 100% solution rohaniet se hasil karna chahte hain.tu 5 min ka rohani muraqbah kar k hamein itla krain , Insha Allah aap ko zindagi aur kismat badal dene wala parehani ka rohani hal hasil ho jae gha . iss ke liye neche mojood buton par click krain
